نصيحه & لوجه الله
إنك تروح للمسجد بقميص نوم بينما تروح لربعك بثوب مكوي
وطيب يشق الخشم
نصيحه & لوجه الله
إنك تتصل على ربعك
كل يوم وعادي تقعد معه نصف ساعة أو
أكثر بينما عمك أوخالك أو عمتك أو خالتك لهم شهور
ماسمعوا صوتك !!! من زينك أنت وصوتك
نصيحه & لوجه الله
تدور بسيارتك بالساعات وماتخلي شارع ما ( شبرته ) وحفظته
وكل هالدوران غالبا لأسباب ( قليلة أدب ) (بينما أهلك
لويبون مشوار ساعة وحدة قلت : ( الليموزينات واجد
نصيحه & لوجه الله
إن اللاعبين والمطربين يكرمون ويغرقون بالخيرات بينما
المشايخ ربك يستر ماينسجنون
نصيحه & لوجه الله
إن الواحد يضبط ساعته على الدوام بينما صلاة الفجر
مايدري متى وقت أذانها !!!
نصيحه & لوجه الله
إن الواحد يشتري الأغاني بالشيء الفلاني ويسمعها بينما
مستحيل يشتري شريط إسلامي ولو بمبلغ زهيد ولو يهديه واحد
شريط إسلامي سجل عليه بابا فين
نصيحه & لوجه الله
اذا جيتي تطلعين لعرس او لصديقاتك تتزينين وتتعطرين واذا
جلست عند زوجك تقعدين بوساختك وريحتك بصل
نصيحه & لوجه الله
ان الوحده تقعد على التلفون ساعه وصلاتها دقيقه
نصيحه & لوجه الله
اذاطلعت البنت من البيت وهي كاشخه وريحة عطرها واصله اخر
الشارع وتقول للشباب لا تلحقوني
نصيحه & لوجه الله
إن الواحد يشوف ( قلة الأدب ) ولايقول عنها ( قلة أدب )
نصيحه & لوجه الله
انك تحصل واحد يحترم الناس كلها الا امه او ابوه
تلقاه
يكلمهم بطرف خشمه
نصيحه & لوجه الله
انك تشتري كل اللي نفسك فيه ويوم يجي طاري الحج او
العمره قلت انا ما عندي فلوس وانا غير مقتدر
نصيحه & لوجه الله
انك تكون جالس في وتسمع الاذان ومن بعدها الاقامه وانت
مكانك وكأنك مثبت بمليون مسمار على كرسييك
نصيحه & لوجه الله
لماتشوف واحد في الشارع وتستصغره ولا تسلم عليه
نصيحه & لوجه الله
اذا شفت صديقك في ورطه ولاتساعده
وانت قادر على مساعدتة
نصيحه & لوجه الله
اذا قدم لك صديقك خدمه وأنكرت فضله عليك
نصيحه & لوجه الله
انك تحط سيارتك عند باب جارك ..وعندك مكان ابعد شوي
نصيحه & لوجه الله
لما تجلس بمكان عام تتقهوى انت وعيالك..وتقومون وزبايلكم
وراكم..
نصيحه & لوجه الله
انك تكون مسئول عن عمل يتوقف اداؤه عليك..وتطنش وتتأخر
ويتحمل الباقين مسئولية اهمالك
نصيحه & لوجه الله
انك تطولي لسانك على الشغاله..وهي بسن امك..عشان شغله
ممكن تسوينها
بنفسك ((ليس منا من لم يوقر كبيرنا )) 0
نصيحه & لوجه الله
لما ترفعي صوتك بالسيارة ومع السواق وتضحكين
وتقهقهين
...وكأنه محرم لك وتكشفين للدكتور عاااادي...وكنه من بقية
أهلك وبدون محرم
نصيحه & لوجه الله
لما تعزمين صديقاتك وتخلين الوالده تسوي قهوتكم وتجيبها
لكم وتسوي
عشاكم ..وانتي مشغوله بالسواليف
نصيحه & لوجه الله
لما ترفضين شريط اسلامي او كتيب من احد الدعاة..بينما
لو
أحد اعطاك شريط لفنان العرب كان ماتدرين شلون تشكرينه
نصيحه & لوجه الله
عندما نسهرساعه على النت ولانصلي لو ركعة لله
نصيحه & لوجه الله
انك متعلم وحاصل على شهادة عليا..وماتفقه اقل شي في دينك
نصيحه & لوجه الله
أنه مانشوف القرآن إلا من الجمعه للجمعة عشان سورة
الكهف هذا إن كان من الجمعة للجمعة
:n20062:
