اترك الضيج عنّـك.. لايزيـدك همـوم

اترك الضيج عنّـك.. لايزيـدك همـوم
عيش دنياك واضحك.. وابتسـم للحيـاه
ماتـدوم السعـاده.. والحـزن مايـدوم
حكم لقدار يمشي.. محد(ن) اللـي دراه
انبسط في حياتك.. ولا ترخّي العـزوم
حظ من هو تعلّم.. واعتبر مـن خطـاه
وان غدا الوقت قاسي.. في عطاه وظلوم
اطلب الله يعينك ، ماخسـر مـن دعـاه
مايعيبك سقوطك!! البطـل مـن يقـوم
كل درب(ن) بيوصل للهدف من مشـاه
ومن لقيتـه بقـدرك ياصديقـي يسـوم
ارتفع عن كلامـه.. واتركـه للوطـاه
الثرى وين قدره ؟ ويـن قـدر النجـوم
مـن يسـاوي الثريـا بالثـرى ياغبـاه
خذ نصايح مجرّب.. عارف(ن) بالعلـوم
من نسى الله لحظه.. اشهد انـه نسـاه
لاتفكّـر بشـي(ن) دام مالـه لــزوم
واترك الله يدبّـر فـوق عالـي سمـاه
عمر لنسان رحله.. بيـن ليلـه ويـوم
لادنا الموت منّه.. مـن يـرد الحيـاه ؟

جميل جدا

شكرا لك وبارك الله فيك

مشكــــــــــــــــ اخي الكريم ـــــــــــــــــور
تحيـــــــــــــــــــــ لك ـــــــــــــــــــــاتي