جرح الخفوق

عوده بعد غيبه طويله عن الشعر النسائي
بقصيده جميله للشاعره / فتاة نجد
تحت اسم " جرح الخفوق "
عساها تنال الرضى والقبول



تجاوز حدود كل الروح تأثيره

* جرحٍ رسخ بالخفوق وزاد هوجاسه

وامتد للفكر لين اشعل تفاكيره

* والنفس في ما يحس القلب حساسه

لو كانها من همومه جات في حيره

* كل العلامات تيّها بمرواسه

وأشواقها الصامته في بوح تعبيره

* هي سبّت الجرح.. ولا الجرح من ساسه

إن كان حال الغلا في نار تبريره

* ما عاد يحتاج شرح الشرح لدراسه

هذاك فالقلب شامخةٍ مقاصيره

* اعتز فيها وهي فخره ونوماسه

ولا فيه قبله.. ولا بعده.. ولا غيره

* ملك مشاعر غلاي الجم وإحساسه

والود معناه.. وشعوره.. وتبريره

* ينساق بالمجد مثل الجود مقياسه

معدنه صافي.. ووافيةٍ معاييره

* مثل الذهب والذهب ما تجهله ناسه

اللي لهم في روائع سيرته سيره

* بأعماقهم صدق نبضه واطيب انفاسه

هم قمته بالوفا وأشهر مشاهيره

* صانوه رغم الزمن والجرح واتعاسه

فتاة نجد

شـكــ وبارك الله فيك ـــرا لك ... لك مني أجمل تحية .

كلمات جميله
شـكــ وبارك الله فيك ـــرا لك ... لك مني أجمل تحية .

رشيد العهد
انتقاء رائع وممتع تقبل مرورى مع
اخلص تمنياتى ودمت بخير
*****
الفـــــــارس

شـكــ وبارك الله فيك ـــرا لك ... لك مني أجمل تحية .