أفكار زوج رومانسي

https://mwadah.com/images/imgcache/2008/12/373.gif

(1)

لما تكون شريكة حياتك مسافرة او رايحة مشوار بعيد شوية تقولها وأنت بتسبل بعينك كده: حبيبتي انا قلقان عليكي من المشوار ده وعلشان كده أنا جبتلك بودي جارد يحرسك
وتبتسم ابتسامة حلوة كده وتطلّعلها دبدوب صغير من أبو 15 أو 20 جنيه

(2)

فى أي مناسبة عاطفية عيد الحب مثلا اشتري كام وردة حمرا بس تكون حقيقية يعني 10 أو20 وردة وهات واحدة بلاستيك وحطها في النص وكارت صغير من المكتبة اللى على أول شارعكم واكتب: هافضل احبك لحد اخر وردة ما تدبل

(3)

طبعا أكثر الطرق لإسعاد حبيبتك لو بتشتغل ابعتلها في مقر شغلها باقة ورد جميلة وكلمتين حلوين برضه في كارت
أكيد طبعا في الشغل بقى زمايلها هيقولوا شوفتوا الحب يا ولاد وتعليقات حلوه كده هتخليها تحبك أكتر

(4)

لو حبيبتك عندها قط صغير بتحبه وكل ما تيجي تقولها كلمتين حب تقولك اسكت ده القط بتاعي عمل كذا النهارده يبقى انت في عيد ميلادها وانت جايبلها هدية هات للقط الغلبان ده هدية كمان

(5)

طبعا معظم البنات مش بيعرفو يطبخوا
يعني احتمال كبير مراتك تكون زي الفل فى الطبيخ وتقضوها تيك أواى المهم في مرة وانت بتطلب بيتزا مثلا اطلب منهم يقطعوها على شكل قلب

(6)

يعني لو مراتك تعبت في البيت كده دور برد خفيف.. بس هي بتحب تدلع .. خدلك انت أجازة من الشغل وخليك جنبها واعملها شوربة.. لو بتعرف.. وشغلها فيلم رومانسي كده وطبعا متنساش شوية عصير ليمون أو برتقال

(7)

في يوم أجازة كده هاتلك شوية بالونات من اللي بيطيروا لوحدهم دول.. فيهم غاز الهيليوم.. واربطهم في شنطة العربية من جوه طبعا واطلع انت ومراتك رحلة رومانسية كده.. يعني شوفلك مكان رومانسي هادي.. وانزلو من العربية واعمل نفسك مشغول في أي حاجة واديلها مفتاح الشنطة بتاع العربية قولها هاتي الجاكيت بتاعك ولاّ أي حاجة.. طبعا هيّ أول ما هتفتح البالونات هتطلع على طول وياسلام لو كنت رابط كارت كبير شوية كده مكتوب عليه بحبك

(8)

عارف ياسلام عليك لو في يوم كده صحيت إنت بدري وحضّرت الفطار وجبته فى السرير.. تبقى فعلاً فعلاً فنّان

من بريدي

مشكور اخي على الافكار الرائعة
تحياتي

الشكر لك أختى الفاضلة على تواجدك بالموضوع
جزاك الله كل الخير

مشكور اخي على الافكار الرائعة...............ورب ىيسعدك

الشكر لك أختى الكريمة فرجة السبيعي
جزاك الله خيرا