يابحر فيني من الحزن كثر مافيك

http://mwadah.com/images/imgcache/2012/01/165.gif
يابحر .. فيني من الحزن .. كثر مافيك ..




من حزن .. وأوجاع .. وغياب .. وغرايب !!




لاتلومني إليا شفتني .. دايم أجيك ..




ولاشفتني دايم .. على الشط .. ذايب !!




حزني كبير .. أكبر من حدود .. شاطيك ..




وأقسى من جروح الزمان .. العطايب !!




وإن كان تنشدني فأنا .. مقدر أخفيك ..




دايم اظن .. ويطلع .. الظن .. خايب !!




في هالزمن .. أقرب حبايبك .. يشقيك ..




إلين تدفعفي غلاه .. الضرايب !!




من بعد هذا .. يبتعد .. عنك .. ويجفيك ..




ماكنه .. بجنبك .. قضى الوقت .. طايب !!




وإلا .. الخوي اللي توقعت .. يفديك ..




يفديك عمره .. لاغدت بك .. نشايب !!




صد .. وتصدد .. مايبي .. سمع .. طاريك ..




وياما .. أنت .. دونه .. أتعبتك .. الطلايب !!




لاتقول لي .. بدري .. وتوك .. ويمديك ..




وتعال .. وأسمع باقيالهرج .. صايب !!




خلك بحالك .. وأطلب الرب .. يهديك..




ولاتنشد الليغاب .. وين أنت .. غايب




وإن شفتني غايب .. عن حدود .. شاطيك ..




أعرفتراني .. تحت .. ذيك .. النصايب !!




وأعرف تراني .. دايم إن ضقت .. بآجيك ..




لأني .. أنا .. والموج .. صرنا .. حبايب

تسجيل حضور وتحية وسلام
وفقك الله

https://mwadah.com/images/imgcache/2013/11/5.gif