أسامر يا قمر نورك وأسولف لك من الأحـزان
أحبك وأعشقك وأهواك نورك مصدر احساسي
أحب الليل ونجومه وأحب الطير أبـو جنحـان
ويشجيني ظلام الليـل لقبـل زاد هوجاسـي
يروح الفكر ويعـود وتالـي رحلتـه خسـران
أجامل لو أقول إني سعيـد ومرتفـع راسـي
أعاني قسوة الدنيا وأعانـي قسـوة الحرمـان
ونا من كثر ما عاني شربت السم في كاسـي
همومي تعصف بقلبي وتدمي جرحي الوجعـان
تذكرني قسى الماضي ونا من حزتـه ناسـي
نسيت الماضي الموحش نسيت الصد والهجران
نسيت إني زمان أول طريح الهـم متواسـي
حياتي ما بها بسمه طوتهـا صفحـة النسيـان
وباقي من مواجعهـا دمـوعٍ تكتـم أنفاسـي
غريب وضايع وتايه ومقصودي عظيم الشـان
يساعدني على نفسي ويطرد كـل وسواسـي
مواقع النشر (المفضلة)