الريد إختياري

[ابراهيم العمده]

بسم الله الرحمن الرحيم

[align=left]قصيده بعنوان : الريد إختياري[/align]
[align=left]

شعر :إبراهيم العمده
[/align]

أهدي لكم هذه القصيده المتواضعه و أقول أني لست بشاعر ولكنها معاناه حقيقيه في الإختيار بيني وبين أهلي أختار فلا يقبلون ويختاروا فلا يعجبني إختيارهم وأشياء أخري كثيره لانملك إلا أن نقول لا حول ولا قوة إلا بالله العلي العظيم .........

لو طفتوا الكون وإخترتوا زوله مكمله
لو حتي كان نزلتوا نجمه حلوه مجمله
ولو جات كمان من السماء الحوريه ذاتا منزله
أنا قلبي ماببدل لي ريد حبيبه مؤصله
************

************
عن ست البنات ست الحسان ست الحلا
أحكي لكيم قصه وأجمل روايه مفصلا
هي الرزينه الطول حياتي قلبي كان بتخيلا
شفتها ألف مره وكانت معاي قبال عيوني تحصلا
************

************
يوم لقيتا كانت دنيتي ضلمه مليله
شفتها نور وكان نورا شمعه مشعلله
من يوما داك هويتا وصرت بيها موله
وياربي تحفظا لي تصونا من الألم والعله
************

************
زينة الفريق زينة بنات الحله
كان جات في الطريق أو حتي طلت طله
تنقذ زول غريق من الغرق والبله
بي صوتا الرقيق تمد إيدا وتقول بسم الله
************

************
عيونا عيون الريل وكتين تجيك مندله
خدودا دهب عديل لامن تشوفا قبله
رموشا رموش حرير تحلف تقول دي مظله
ويا سلام لو شفتوا إيدا أجمل حاجه ناقصه الدبله
************

************
ست بنات حواء لو مره جات مترجلا
تلقاها قادله علي الأرض ترفع خطاها تبدلا
إن مالت يمين معاها الدنيا تميلا
وإن مالت شمال حتي الغزاله تغازلا
************

************
إن شافا بشر يتمني لو يقدر يشوفا يومي يقابلا
وإن شافا ملاك من السماء لازم يجيها يواصلا
وإن شافا شجر بي كل فروعوا يحتويها يضللا
وإن شافا حجر يتمني ينطق ليها ريدتو يوصلا
************

************
إنتي نخله أعلي من كل الملأ
وإنتي نسمه لطيفه ماره علي الفلا
وإنتي بسمه جميله ماليه الكون حلا
وإنتي ورده عبير رحيقا مجملا
************

************
عشان خاطرك أمد إيدي وأتضرع صلاه
عشان ريدك أخلي ليلي وصباحي مواصله
عشان قلبك ونور عينك تقوي بيناتنا الصله
عشان شأنك عشانك إنتي مستحيل يوم أفصلا
************

************
أتحدي بيك الدنيا يا ست الجمال ست العلا
أتحدي بيك ناس الحاره والناس البقولوا أهلا
أتحدي بيك نفسي ذاتا وروحي ليك أدللا
أتحدي نفسك ذاتا وأوعدك كل الصعاب حأذللا
************

************

أتمني أن تنال أعجابكم كما أنتظر نقدكم

وشكرا

[قلب الأسد]

تسلم الايادي
وعلى رأي الأخوه في الخليج
صح لسانك

[ابراهيم العمده]

مشكور جداً علي المرور أخونا قلب الأسد