تركيب الاستايل ( عن طريق الاف تي بي )

[رعــ ب ــوب]

بسم الله الرحمن الرحيم
السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

انا يالغالين مشكلتي مع برنامج الاف تي بي ! ( في تركيب الاستايل )

فـ أبغاكم تشرحون لي طريقة تركيب الاستايل عن طريقة ( كيفية التركيب )
وانا رفعت الستايل للمنتدى بس اللي ناشب فيه هو البرنامج ( الاف تي بي )


انتظركم يالغالي

[رعــ ب ــوب]

وين الردووووود

صار لي مدة انتظركم

[أبو مرح]

هلا أخوي ..

ادخل للـ ftp ثم ادخل إلى مجلد المنتدى vb او forums (المجلد اللي مسمي به منتداك) ثم الصق فيه مجلد الستايل وبس ..

هذا شرح مختصر إذا تريد شرح أكثر فأنا حاضر لكن وضح بالتحديد أيش الشي اللي مب فاهمه

[رعــ ب ــوب]

ايه يالغالي ياليت شرح اكثر واكبر وياليت يكون بالصور !

اللي ماني فاهمه اني ماأعرف اركب مجلدات الستايل اللي اذا رفعت الستايل من لوحة التحكم اركب المجلدات عن طريق البرنامج

والله يعطيك الف عافية

[أبو مرح]

أول شي لازم تثبت برنامج ftp ويا كثرهم بالنت
أنا أستخدم هالبرنامج Ipswitch WS_FTP Professional 2007
وهذا رابط تحميله http://rs79.rapidshare.com/files/291...ional_2007.rar

تثبت البرنامج كأي برنامج عادي كلا next
بعدين لما تفتح البرنامج بيطلب منك التنشيط اختار activate later وبيشتغل البرنامج معاك شهر وبعدين بيطلب تنشيط ساعتها دور لك كراك ..

المهم وتالي بتطلع لك صفحه تدخل بيانات موقعك وهي كالتالي ..
site name اوضع فيها اسم موقعك او اي اسم تحبه
connection type اختار ftp
address server تكتب ftp.mwadah.com
طبعا هذا عنوان المودة وضعته كمثال وانت اوضع موقعك , فلو كان موقعك sragt.net فتكتب ftp.sragt.net
وبعدين بيطلب منك تدخل اليوزر والباسوورد
ثم اضغط connect
إذا نجح الإتصال بتظهر لك علامة صح بالأخضر تحت ..


بعدين خلاص اللي على اليمين ملفات موقعك واللي على اليسار ملفات الكمبيوتر وفيه سهمين بالنص
اذا تبغى تنقل ملف من الكمبيوتر للموقع تختاره من الكمبيوتر وثم تضغط السهم المتجه لليمين (لملفات الموقع)
والعكس إذا تريد تنقل ملف من الموقع للكمبيوتر ..

المهم انت تريد ترفع ستايل عندك مجلد الستايل طبعاً لازم تكون فاك الضغط عنه
أول شي لازم تفتح ملف المنتدى ولنفرض ان ملف المنتدى عندك مسميه vb فدور في ملفات الموقع (اللي على اليمي) ملف vb وادخل عليه بعد ماتدخل عليه روح اختار مجلد الستايل من الكمبيوتر (من القائمة على اليسار)
ولم تأشر عليه بالفأره اضغط السهم وراح يبدأ النقل وبتشوف شريط صغير بالأسفل وهو جاري التحميل وإذا خلص بتطلع كلمة finish وبكذا رفعت مجلد الستايل بنجاح

هذه هي العملية وسهلة جداً

إذا مافهمت بعد كل هالشرح هذي ثلاث صور للبرنامج تشرح لك البرنامج كامل
http://www.geocities.com/motaz_karame/ftp/11.jpg
http://www.geocities.com/motaz_karame/ftp/12.jpg
http://www.geocities.com/motaz_karame/ftp/13.jpg

واي استفسار انا حاضر يالله تصبحون على خير (قبل ما تطلع الشمس :) )