[align=center]هلا و سهلا
أولاً: أحيي الجميع و أخص أبو راشد بالشكر و التقدير على فزعاته الدائمة
قبل لا أطرح سؤالي اللي باستفيد منه
بطرح فائدة استفدت منها على طريقة " خالف تعرف "
الموضوع و ما فيه اني حجزت دومين حلو لموقع منوعات و تسلية غير موقعي الرياضي
و السالفة اللي صارت ان الشركة اللي حجزته قبل سنة تقريباً قفلت من زمان
و ما صرت أقدر أجدد الدومين أبداً إلا عن طريقهم !
لذلك نصيحتي:
لما تطلب تسجيل دومين خاص فيك, سجله في مواقع معروفة مثل نتوورك سلوشنز أو إينوم أو جودادي
عشان تقدر تجدد بأي وقت من الأوقات بالماستر كارد أو عن طريق أي مقدم خدمة آخر
و نصيحتي الثانية:
لا تغريك الأسعار كثر ما تغريك المميزات الموجودة مع الدومين
دومين بـ 35 دولار و تقدر تتحكم فيه أنت بشكل كامل بأي وقت أفضل من دومين بـ 5 دولار أو 10 و ما تقدر تصلح فيه شيء
و فيه شركات تقدر تغيّر DNS حق الدومين من سيرفر لآخر خلال دقائق قليلة بعكس شركات أخرى تضطر تنتظر يوم أو يومين
هذا من ناحية, من ناحية ثانية
جيت أحجز دومين لموقع تسويقي لصالح مؤسسة لأحد أقاربي
و تكلّمت مع مسؤول بأحد الشركات عن هالسالفة لكنه فاجأني بشيئين:
يقول: المعلومات الخاصة بالدومين سنسجلها بإسم مؤسستنا و ليس بإسمكNote: All domains data will be registered in the name of the company, And Will not you receive any Control Panel for domains, And It's will be our responsibility, Okay fahad?
Only when you transfer to Another host can receive data.
و لما ردّيت بأن التحكم يجب أن يكون من عندنا, أجاب:
تقريباً أقدر اقولهم يعطونك لوحة تحكم خاصة فيك.
ولكن أنا نصيحتي لك ماتاخذ أي لوحة تحكم لعدة اسباب
لعل أهمها أنهم راح يكونون مسئولين عن النطاقات
بمعنى أصح هم المسئولين في حالة (أقتناصها) أو ضياعها
او سرقتها أو أو أو ....... إلخ
وذلك بتقديم تعويضات مالية كبيرة لك ، مع استعادة أسم النطاق بأي شكل
من الأشكــال ، وأعتقد هذا جيد جداً.
كما أنك راح تحصل على لوحة تحكم لأسم النطاق اذا بغيت تنقل بس
يعني اذا خلاص جيت تطلع من أول ، تقدر تاخذ منهم لوحة تحكم النطاقات
علشان كذا انا اساساً انصحك انك ما تاخذ أي لوحة تحكم نهائياً.
وبشرط انهم يكونون مسئولين مسئولية كاملة عن النطاق وفي أي حال من الأحوال.
وبعدين لعلمك ترا العالم الآن مشتغلة على سرقة الدومينات ، انسرقت دومينات بنوك وشركات و و و و .... إلخ
علشان كذا أنت ريح بالك ، ولا تستلم أي لوحة تحكم
وفي حالة ضياع الدومين من سرقة او غيرها أول تعوضك بآلاف الريالات بهالخصوص ، وكذلك تستعيد النطاق بأي شكل من الأشكـــال.
خصوصاً اذا عرفت اننا بعلاقة حميمة مع NetworkSolutions
يعني في حال حدوث أي مشكلة لا سمح الله ، نقدر نرجع الدومين خلال ساعة
اذا كان الدومين للآن موجود لدى NetworkSolutions
بس اذا استلمت انت الدومين ، وصارت علية اي مشكلة من سرقة او غيرها
حنا نهائياً ماراح نكون مسئولين ولا راح يسوون أي شء حتى لو كان عندهم امكانية لأستعادة الدومين خلال ايميل واحد وخلال دقيقتين !!!
شخصياً ما أتوقع هالكلام يؤثّر و كله ( تخويف ) لكن حبيت أشاور العارفين بهالأمور
لا تبخلون علينا بأي معلومة و لو ما فيه معلومة أكيدة
أتمنى يطرح هالسؤال في منتديات أخرى مثل سوالف سوفت و غيرها ,,
منها نستفيد احنا و يستفيد الجميع إن شاء الله
لا عدمناكم [/align]
مواقع النشر (المفضلة)