أسئله ترفع الضغط
أسئله ترفع الضغط
مثل:-
انت الحين بغرفتك منسدح بفراشك ومطفي النور فجأه يخش عليك
اخوك ويفتح الباب ويقولك بتنام ؟!! (لا برقص - اكيد بنام !!)
---------
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (هااا بتطلع !! (لا بجرب الباب زين ولا لا
الصراحه سؤال خطير !!
----------
انت قاعد بغرفتك وماسك الكتاب قاعد تدرس .. يخش عليك واحد من اهلك يقولك
(هاا قاعد تدرس !! (لا افرش اسناني !! يعني ماسك الكتاب شسوي اكيد ادرس)
-----------
انت الحين بالمقهى صدفه شفت واحد من الربع او الاهل .. قالك هاا شتسوي هنا !!
(ابيع مويه)!! لا تعليق
--------------------
انت الحين قاعد عند المحطة وصدفه شفت واحد من الربع ...قالك تعبي بنزين
((لا اعد السيارات))!!خلينا ساكتين احسن
-------------------
لا وتعالو شوفو قنواتنا العجيبه اهما واسئلتهم !!
مثلا بالعيد بيقابلوا واحد من الناس شوفو الحوار :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- اش تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لا بيقول لهم : منه المال ومنها العيال))
يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالبديهيات اللي تضيع وقتنا إذا قابلو الاطفال , , ,
يقول المذيع للطفل :- أنت تحب ماما وبابا ؟ ! ! !
(( لا احبك إنت ووجهك)) سؤال ..مدري كيف!!
----------------
برنامج مسابقات على الهوا :-
المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !! من زود الأتكيت يعني)
--------------------
يعني اسئله غبيه مثل هالاسئله ماشفت
يالله في أمان الله والله يحفظك من هالعالم
لحظة نسيت أسألك: قاعد تقرا الموضوع الحين؟؟
ج: لا قاعد أحك خشمي خهخهخهخهخهخهخهخه
.
.
رد مع اقتباس
رد: أسئله ترفع الضغط
مواقع النشر (المفضلة)