دمعة ندم

دمعة ندم سالت على خد الاوراق
سالت قهر من حزني اللي خنقها

يوم أنكسر جفن السهر قالت فراق
غصبً على كل المشاعر دفقها

ترسم معالم لوحة انسان مشتاق
لعيون خلانه.. حياته شنقها

يبكي من اللوعه صدى حر الاشواق
وعينه من الفرقا تمادى أرقها

صبره قضى...جسمه نحل....خاطره ضاق
وأبواب حظه كل ابوها طرقها

حظه على دروب التوافيق منعاق
يطرد ورى ذكرى عجز مالحقها

قلبه من الحسره مع الهم منساق
يحمل خطايا كلمة مانطقها

ياللي غرست بداخلي جرح الاعماق
أشكيك للي نفس عبده خلقها

دام المحبه تحرق العاشق أحراق
ياكبر حظ اللي حياتي حرقها

بأسباب دمعة جرحت خد الاوراق
أما ندم....وإلاحزن اللي خنقها