يقول من خيـب زميلـه هقاويـه
عيى الخوي يمشي على مابغيتـه
يقولها عـواد مـن واهج(ن)فيـه
لايا زمن وش ذنبي اللـي جنيتـه
شي حصلي يا زمن ودي ارويـه
من صاحب(ن)قصر معاي وهجيته
لاخطآ عليك اللي تـوده وتغليـه
انا اشهد انه يهـدم اللـي بنيتـه
عزي لقلبي ما لقى مـن يعزيـه
يـا قلـب لاتبكيـه قبلـك بكيتـه
هذا مريض وياعسـى الله يشفيـه
يـا ليتنـي فـي دنيتـي مالقيتـه
كم مرة يزعل وان اجيه وارضيه
راسي عزيز ولجل يرضى حنيته
ما قول غير الله يبيحـه ويهديـه
لوهو نسى عيب علـي لانسيتـه
انا عتا بي هو سبب قولتـك ليـه
ما دام عندك علم با للـي نويتـه
ايضا ترى عندي اشـاره وتنبيـه
حا ول تحمتل دامك اللـي بديتـه
درب(ن)يعرضك الخطر ليه تمشيه
والا تحمـل للخطـر لامشيـتـه
يا ما نصحتك جنب الدرب ياهيـه
ما لوم نفسـي بالخـوي لانهيتـه
المزح ما به يا خويـي مشاريـه
ما لك زعل ما دامـك اول بليتـه
واللي فعلتـه ياولـد وش تسميـه
قلي وش اللي من خويـك لقيتـه
من دون نفعك للخوي ليش توذيـه
تخطي عليه وغلطتك لـه رميتـه
من لايعرف التضحيه ما نخا ويه
يضحك معاي ويختفـي لانخيتـه
ومن لايقدر خوتي ليـش اماشيـه
ومن لايقصر خطوته مـا تليتـه
ومن لافرح في جيتي كل ماجيـه
تحرم عليه جلستي وسـط بيتـه
تجبرني العشره على شي مابيـه
انا شريت وباعني مـن شريتـه
اظن شعري واضحات(ن)معانيـه
لي قصة(ن)بابيات شعري حكيتـه
الشعر تنزل ها مته يـوم اناديـه
ثـم يتعلـى شـا مخ(ن)لابنيتـه
وســـــــــــــــــــــــ ـــــــــــــــــــــــــ ــلامتكــــــــــــــــــ ـــــــــــــــم
منقول
مواقع النشر (المفضلة)