الموضوع: سوه.........

بتول العذراء
كم اسعدنى هذا المرور الراااااااائع
شكرا لكى

المشاركة الأصلية كتبت بواسطة اعتذار

غنوا معايا يا خلق يا هوه
سوه على هم الشعب العربى
ووطن بالاكراه سلبوه

سوه ع القدس وعلى بغداد
وتاريخ زاخر بالأمجاد
وعبيد عامله علينا اسياد
قتلوا العدل وحقى كلوه

سوه على وحش بقاله سنين
واقف يلحس فى السكين
دبح الحلم ونهب الطين
فاكر انه دا ورث ابوه

سوه على ارض عزيزه وحره
شبعت ظلم وايام مره
روت الأرض بدم الدره
جم خنازير وقرود حصدوه

سوه على امه خلف الشيش
محكومه بعسكرى وشاويش
وقلوب خضرا ما عارفه تعيش
حتى الطفل يا ناس دبحوه

سوه على ناس دايرين بربابه
صبحوا ف عشق عدانا صبابا
خليت بوش وبلير والبابا
سبوه الدين والنبى شتموه

سوه ع الذل وع الحكام
باعو وطنا ما سألوا بكام
صرخ الشعب وقال
آآآآآآآآآآه كااااااااااااام
ياما هموم ومرار شربوه

سوه ع التار والعار والعزه
سوه ع البصره وقانا وغزه
جرحو قلوبنا بمليون غزه
فين العدل يا خلق ياهوه

سوه على بكره وع الاحلام
وأجيال حالمه تعيش فى سلام
وزتون حاضن برج حمام
بس البرج ياناس هدوه

سوه على نور كان جاى من بابل
وعيدان كانت طارحه سنابل
زرعوا مكانها بارود وقنابل
وتراب غالى وخير دهسوه

سوه على دم عرب بيسيل
تحت زتونه وكرم نخيل
داسهم ابرهه من غير فيل
وسلام على ارضنا سلبوه

سوه على جرح كرامه وتار
وصغار ماتوا ف صحن الدار
عقلى ف راسى ياناس احتار
ليه الحق ياناس تداروه

وحياة قلب حزين موجوع
وعيون نشفت فيها دموع
بكره هيرجع حلم يسوع
قبل ما شمس العدل تتوه

اعتزار اسم علي مسمي
الاستاذه صاحبة الموضوع
ياتري النص ده من ابداع حضرتك ولا منقول
ولو من ابداعك فين اعمالك المشابهه
ولو منقول فالواجب والامانه تقولي ده نص مين وابداع مين ولا ايه؟
ولاحضرتك بس فرحانه بالتعاليق وخلاص
عيب اوي اوي العمايل دي
ولاهتزيدك باي شئ غير ان شكلك هيبقي وحش اوي قدام الناس لما يعرفه ان المشرف العام للمنتدي حراميه وبتسرق نصوص غيرها وتنسبها لروحها
ولا ايه؟
عموما النص لشاعرمعروف جدا علي مستوي مصر كلها اسمه الشاعر عادل صابر ودا رابط القصيده الاصلي يافنانه
سوه ياسوه
علي الله ماتقوليش انها توارد خواطر هههههههههههه ولا كنتي مفكراها من التراث زي هشام الجخ ولاحتي تقولي اني انا اللي كداب وانها قصيدتك انتي

تحياتي للجميع وارجو تحري الدقه في المواضيع لان جوجل ابن كلب فضاح
http://elgendy.getgoo.net/t17774-topic