+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 5 من 9
  1. #1
    محمد سنجر is on a distinguished road
    تاريخ التسجيل
    27 / 04 / 2006
    الدولة
    الكويت
    المشاركات
    128
    معدل تقييم المستوى
    348

    افتراضي ليلة القدر ( بقلم : محمد سنجر )

    ـ هي ليلة القدر النهاردة ؟
    ( قالها زميلي ( هاني جرجس ) بينما يسحب الكرسي ليجلس )
    ـ الله أعلم .
    ـ يعني إيه ؟ هي مش ليلة سبعة و عشرين ؟
    ـ مش لازم سبعة و عشرين ، ممكن واحد و عشرين ، تلاتة و عشرين ، خمسة و عشرين ، تسعة و عشرين ، على حسب .
    ـ طيب لو رمضان في مصر سبعة و عشرين و في السعودية تمانية و عشرين ؟
    ـ إزاي ؟ مش فاهم .
    ـ مش انتم و السعودية أحيانا يقولوا بكرة رمضان و انتم تقولوا لأ مش بكرة ده بعد بكره ؟ صح ؟
    ـ أيوة بيحصل أحيانا .
    ـ طيب ما هو ساعتها ها تبقى في السعودية ليلة سبعة و عشرين
    و عندنا في مصر ها تبقى ليلة ستة و عشرين ، و لما تبقى سبعة و عشرين عندنا ها تبقى ليلة تمانية و عشرين في السعودية .
    ـ فهمت ، و اسمح لي أرد عليك ،
    لو أنا قلت لك ها نروح للدكتور النهاردة الساعة سبعة و بالفعل على الساعة سبعة بالثانية أنا رحت و كشفت حسب الميعاد ،
    و لكن ساعة حضرتك كانت مأخرة ساعة كاملة ، و جيت على الساعة تمانية و أكيد طبعا الكشف راح عليك ،
    هل وقتها تقول لا لازم أكشف لأن الساعة معايا سبعة ؟
    ـ يبقى ممكن تكون ليلة القدر في ليلة عشرين أو اتنين و عشرين أو أربعة و عشرين أو ستة و عشرين أو تمانية و عشرين أو حتى تلاتين عند المخطئين في رؤية الهلال ؟
    ـ ممكن ، ليه لأ ؟
    ـ يعني مش لازم تلتمسوها في الليالي الفردية بس ؟
    ـ لا طبعا ، بص أنا ها أريحك ،
    ليلة القدر ليلة معلومة عند رب العالمين و لكنه لم يخبرنا بها عشان كل واحد يجتهد و يحرص على أن يكون من المقبولين فيها ،
    و لكن من يركز على ليلة بعينها عشان يجتهد فيها و يسيب بقية الليالي فربنا مش ها يقبل منه طبعا ،
    عارف زي إيه ؟
    ـ زي إيه ؟
    ـ زي ما البعض سأل الرسول عليه الصلاة و السلام ( متى الساعة ؟ ) تعرف الرسول رد عليه و قاله إيه ؟ ( و ماذا أعددت لها ؟ ) ،
    يعني المهم إني أكون باعمل ليوم القيامة مش مهم أبدا هي ها تقوم إمتى ، برضه المهم اني أجتهد في رمضان و في غير رمضان كمان ،
    لكن بقى أحاول أعمل نفسي ( بُرم ) و ما أصليش و لا أجتهد في صلاتي إلا ليلة سبعة و عشرين أو أي ليلة بعينها فعمري ما ها شوف ليلة القدر و لو شفت حلمة ودني ،
    يعني ممكن نكون بنصلي أنا و ياسر أخويا مثلا جنب بعض ، و هوه ربنا يجعله من أهلها و أنا لأ ،
    و ممكن أكون من أهلها في ليلة تانية و هوه لأ .
    ـ هو في ليلة و انته في ليلة تانية ؟
    ـ عادي .
    ـ طب إزاي و هي أصلا ليلة واحدة بس ؟
    ـ ليلة واحدة في السنة أيوة ،
    لكنها ستين أو حاجة و سبعين أو تمانين ليلة طول عمري ،
    فممكن يبقى أخويا من أهلها السنة دي و أنا أبقى من أهلها السنة الجاية أو اللي بعد اللي بعدها .
    ـ طيب و بتعرف إزاي انك من أهلها أو لأ ؟
    ـ لو لقيت نفسي إتغيرت بعدها و ماشي بما يرضي الله يبقى أنا من أهلها .
    ـ و إذا لقيت نفسك ما اتغيرتش ؟
    ـ يبقى لازم أقعد أبكي ليل و نهار و أدعي ربنا إنه يمد في عمري و أشوفها تاني .


     
  2. #2
    بنت تعز is on a distinguished road
    تاريخ التسجيل
    24 / 04 / 2007
    الدولة
    اليمن
    العمر
    35
    المشاركات
    62
    معدل تقييم المستوى
    270

    افتراضي رد: ليلة القدر ( بقلم : محمد سنجر )

    اللهم وفقنا علي ليله القدر وعلي قيام هذه الليله المباركه

    مشكور اخي

     
  3. #3
    رهـف is on a distinguished road
    تاريخ التسجيل
    15 / 07 / 2009
    الدولة
    مجهولة
    المشاركات
    33
    معدل تقييم المستوى
    214

    افتراضي رد: ليلة القدر ( بقلم : محمد سنجر )

    [align=center]
    ليلة خير من الف شهر اعطاها الله لامة محمد عليه الصلاة و السلام

    تقبل الله منا الصيام و القيام و ان نكون من عتقائه من النار اللهم امين

    بارك الله فيك اخي محمد سنجر

    و جزاك الله كل خير

    وفقك الله و سدد خطاك

    حفظك الرحمـــــــن
    [/align]

     
  4. #4
    ابو مالك has a reputation beyond repute ابو مالك has a reputation beyond repute ابو مالك has a reputation beyond repute ابو مالك has a reputation beyond repute ابو مالك has a reputation beyond repute ابو مالك has a reputation beyond repute ابو مالك has a reputation beyond repute ابو مالك has a reputation beyond repute ابو مالك has a reputation beyond repute ابو مالك has a reputation beyond repute ابو مالك has a reputation beyond repute الصورة الرمزية ابو مالك
    تاريخ التسجيل
    20 / 03 / 2007
    الدولة
    الأردن
    العمر
    50
    المشاركات
    6,574
    معدل تقييم المستوى
    7057

    افتراضي رد: ليلة القدر ( بقلم : محمد سنجر )

    شكرا وبارك الله فيك لك مني أجمل تحية

     
  5. #5
    محمد سنجر is on a distinguished road
    تاريخ التسجيل
    27 / 04 / 2006
    الدولة
    الكويت
    المشاركات
    128
    معدل تقييم المستوى
    348

    افتراضي رد: ليلة القدر ( بقلم : محمد سنجر )

    اقتباس المشاركة الأصلية كتبت بواسطة بنت تعز مشاهدة المشاركة
    اللهم وفقنا علي ليله القدر وعلي قيام هذه الليله المباركه

    مشكور اخي

    اللهم آمين
    جزاكم الله خيرا
    أختنا الفاضلة
    بنت تعز
    دمتم بحفظ الله

     

 
+ الرد على الموضوع
صفحة 1 من 2 1 2 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك