الموضوع: عسى يكبــر ويذكرني ويسمِّي بـ " إسمي " : إعيالـه

اليوم وانا بتصفح بالنت
وقفني عنوان خاطرة

جميلة جدا قولت ادخل اقرئها


وها هي




يكلمني عن جروحه .. وأنا من سبِّته .. مجروح !
يسولف لي عن (أحبابه) وأسولف (عنَّه) لـ حاله ....


أحس في دمعة عيونه .. وتطلع من بكاه الروح ..
وإذا يفرح مع غيري . . . بكى " قلبي " و / هنَّاله .


ياليت آنا معاه اللي ركبنا في [ سفينة نوح ]
محد يقدر يفرقنا لا : عمِّي .. و لا : خاله


رسمته في قلم ناشف على قطعة خشب من لوح
و تهيألي يحاكيني !! ويبيني أرسم إظلالـه


تحرَّك طيفه الدايم . ولَعَب في حسبتي بجْموح
يحب الخيل .. و أشعاري .. عشانه صاروا خيَّالـه


وصار بـ عيني ( الأجمل ) مع إنَّ شوي هو مملوح ..
ولا غيره مــلا عيني وقلبي بس يصفالــه


ذبحني قلبي الساكت ! ... متى قلبي عليه يبوح ؟؟
أحبه وماعرف إني أحبـه وأعشق وصاله . . .كتمت وهذا من طبعي وتمنيت " الغلا " مفضوح
ببيِّن له ولا أقدر مع إنِّي جالس قباله ..


أخاف إنّه بعد مُدَّه يطير ... ومن إيديني يروح !
هو نعمة من فضل ربي ويقولوا : النعمـة زوَّالـه


لي قلبٍ من كثر حُبه على : فراش التعب ..مطروح
لا هو " ميت "..ولا " عايش " .! ووالله إن مـااات أشواله


وحبي من طرف واحد غلا صادق بدون مزوح
وإذا هو طاح ؟ قداامـي .. نزلَّـه / قلبي / و : شــاله .!!


شكالي وكنت له أسمع . . . وقلبي دوم له مفتوح
يطمِّني عن " أخباره " وشنهي آخر أعمالـه


وإذا شفته خطا بـ حقي بدون أعذار ؟ .. هو مسموح
في نياته ولا يدري .! وطيبة قلبه همَّالـه ..


في حياته ... يروح الهم ويبدِّل ( دمعتي ) بـ فروح
تمنيت البشر مثله . . . وكل من حولي أمثاله .!


من الله حُبه في قلبي حشى مالي ترى مصلوح ..
عسى يكبــر ويذكرني ويسمِّي بـ " إسمي " : إعيالـه

طبعا يسلم ايدين الى كتبها اينما كان

تقبلو تحيتي وتقديري
ساندرا

المشاركة الأصلية كتبت بواسطة البياتي

خاطره جميله جدا شكرا على النقل ساندرا

تسلم خيوووو البياتي لحضوورك الطيب اسعدني الحضووور تقبل تحيتي,,,ساندرا

المشاركة الأصلية كتبت بواسطة صناع الحياة

جميلة ولا يقلل من روعتها سوى بعض الكلمات غير مفهومة المعنى
شكرا لك

تسلم للحضور الرائع خيووو صناع انا كنت باول قراتها وجدت صعب بعض الكلمات ولم تصلني معانيها
لكن قراتها مرة ومرة اخرى وجدتني فهمتما يقصدة من كتبها كلمات روعة بطريقة روعة فعلا تسلم للحضور الذى اسعدني تحيتي وتقديري ,,,ساندرا