الموضوع: غرامك حب مش عادي

غرامك حب مش عادي ،، بيكويني وانا راضي
وكل الكون على قلبي البريء شاهد
مع حُبك يعيش العمر يتعاهد
ولو خدني الطريق لرحيل دموعي تسيل
وحُبك ف الطريق زادي
عشقت ف ليلك النسمة وقمرك ضي قنديلي
بحبك وانتي مبتسمة واحبك لو هتبكيلي
وعشقك ف القلوب قسمة ....
مقدر ع الجبين مكتوب ......
أحب وادوب وأعيش العمر أتباها وأنا المغلوب
وعمري يا دوب يكون قصة ف موالك
وانا خالك وخيالك وكل الدنيا حُسْادي
سنين العمر بتعدي وأنا عاشق من العاشقين
وبتنادي يكون ردي دموعي تملى نن العين
من الذكرى وع الذكرى هعيش بكرة
وكُلْي حنين .........
وحُبك فيّ أُغنية ولا أقدر ف يوم أهرب
ولو كان أمري بإدية لا يوم أرحل ولا أتغرب
وقلبي لو يغيب عنك يعيش العمر بينادي
فـ حلمك عمري بيعدي
وأنا ماشي ف مشوارك
وصاين في الضلوع وِدي ينَوّر ليلي بنهارك
ولا بيدك ولا بيدي أعيش العمر بَحّاِرك
واناديكي تناديلي تبوحيلي بأسرارك
وأميل مترح ما قلبي يميل يذيد الكيل على قلبي
وأنا وإنتي على نفس الطريق ماشين
على نفس الأمل عايشين ،،
نعيش العمر متعاهدين ......
ويجري العمر ويعدي ،،، ولا بيدك ولا بيدي
فـ لحظة ينتهي المشوار ......
وأفوت ليلك يا أحلى نهار
يا مصر يا أم الدنيا يا بلادي
غرامك حُب مش عادي

شـكــ وبارك الله فيك ـــرا ...

شكرا وبارك الله فيكم علي المرور الكريم وشكرا خاص الي الاخت امال بنت بلادي علي كلماتك الرقيقة والطيبة وبارك الله فيك ودمتي للمودة بالف خير