لما كنا صغار كانت الدنيا علوم
لكن لما كنت صغير أي نوع من الأطفال كنت ..
الطفل البريء ..
في البيت تلاقيه حبوووب وطبيعي 100 %
لكن مع دخوله المدرسة .. ( تنمحي ) شخصيته ..
فتكثر الإصابات في وجهه .. لأنه مايدافع عن نفسه ..
الطفل العنيد
يطبق نظام البيت بالعكس .. يسوي اللي براسه ..
مايخاف من ماما أو بابا .. لو قلت له هذا خطر لاتقربه .. عناد فيك يسويه ..
يا كثر مايضرب في طفولته .. ومع ذلك عنيد مايغير رأيه ..
الطفل الحنّـان
يستخدم وسيلة الحنة لتلبية رغباته
له نغمة خاصة في البيت..
تلبى رغباته غصب عنك .. يعاني أهله من الصداع المستمر ..
الطفل المادي
هذا الطفل مايرد السلام إلا ( بفلوس ) ..
تعامله مع أهل البيت .. مادي بحت ..
يستخدمونه لتوصيل طلبات المنزل .. ونقل السوالف.. وكل شيء بحسابه ..
الطفل الفتّــان
تلاقي عند هذا النوع جميع أخبار البيت ..
يلاقي المتعة في إذلال غيره بالفتنة عليه .. ماله خاتمه ..
هذا الطفل حتى لو شريت سكوته بفلوس ..
توقع تلقى أخبارك ثاني يوم في الصفحة الرئيسية .. في الجريدة الرسمية .. أو على القنوات الفضائية
الطفل الدلوع
هذا دلوع ماما وبابا .. يكرهونه باقي الأطفال لأنه مرفه وشايف نفسه عليهم..
تلبى رغباته قبل ليطلبها .. شخصيته اتكاليه جداً ..
الطفل العلة
يزعجك بأسئلته الي ماتنتهي .. يستفسر من كل شي .. حتى لو عطست ..
قالك شلون عطست .. وليش عطست .. وشلون تكونت العطسه ..
يحرجك أحياناً .. ويمكن دائماً بأسئلته .. مره تجاوب عليه ومره تسفهه ..
وأكثر الأوقات ماتلقى إجابة لأسئلته .. لأنك في الحقيقه تجهلها ..
الطفل الداج
هذا الطفل مستحيل يجلس في البيت..
يعيش في الشارع أكثر من بيته .. خبره ودليل في كل ممر وطريق ..
يعرف طول الشارع بالسنتيمتر .. من الممكن أن يصبح إذا كبر مهندس طرق ..
الطفل الملسون
يستأنسون أهله على سوالفه .. فصيح جداً ..
ويلقط العبارات والمفردات بسرعة مذهلة ..
يسبب إحراج دائم لأهله .. يمكن يقول كلمة بالغلط للضيوف أو الأقارب ..
يتميز أحياناً بقلة الذووق والوقاحة إذا انفعل ..
لاينصح باستفزازه أبداً ..
الطفل اللزقة
تلقاه مسنتر عند باب البيت .. محد يطلع إلا وهو لازق معاه ..
حتى الضيوف من الممكن تلقاه يلزق فيهم ويطلع معاهم ..
يا كثر ماينضرب .. وخاصة من إخوانه اللي أكبر منه .. أو خواته ..
لأنه عبارة عن رادار على طلعاتهم ..
أحياناً يضطرون يطلعون من شباك البيت للهروب منه ..
ولكن للأسف يلاقونه بانتظارهم في السيارة ..ويسألهم ليش تأخرتوا عليّ ..
الطفل الهادئ
هذا الطفل ماله صوت أبدا .. وين ماتحطه تلقاه ..
أحياناً يهملونه أهله .. لأنهم ناسينه ..
وأحياناً يلقى اهتمام زائد من أهله ..
لو يموت من الجوع ماتكلم ..
في كثير من الأحيان تلقى أهله ناسينه بالسوق أو عند الأقارب أثناء الزيارات ..
الطفل القوي
أهله دائماً في إحراج و مشاكل مع الناس ..
هرمون الإجرام مرتفع بنسبة عالية في جسمه ..
في كل جبهة طفل في ( منطقتهم ) تلقى له أثر وتوقيع ..
يمثل القائد والفتوة .. يهابونه الأطفال ..
يتقرب منه الكبار ويتوددون له حفاظاً على سلامة أطفالهم ..
فأي نوع من الأطفال كنتم ؟
منقول مع بعض التعديلات
مواقع النشر (المفضلة)