زوج رخم قوى
[align=justify]
الصبح وهورايح على شغله وهى نايمة يتعمد إسقاط أى شئ أو يخبط الباب بصوت عالى علشان يصحيها هى كمان 00 اشمعنى انت ؟ ولو حاولت ترجع تنام تانى يقول لها مادمت صحيتى حضري الفطار بقى .
إذا كان بيتفرج على التليفزيون وهى عايزة تغير القناة 00 يقول لها معلش الحلقة دى مهمة جدا واحد صحبى شافها على القناة الفضائية وقالى إن الحلقة دى هى المسلسل كله 00 ولو كان بيتفرج على ماتش كورة هيبقى الموضوع أسهل 00 كل ما حد من اللاعبين من أى فريق يمسك الكورة يقول لها معلش ثوانى بقى أنا حاسس إن الكورة دى جون حتى لو كان حارس المرمى ماسك الكورة والماتش واقف لإن فى واحد مصاب
( ملاحظة : أغلب النساء ذو ثقافة كروية ضعيفة )
يصحى يوم الجمعة بهمة ونشاط ويجهز الإفطار لزوجته وماينساش أن تستخدم 20 طبق وأكبر كمية من الملاعق لكل فرد معلقتين عشان ياكل بإيديه الاثنين والشوك و 10 حلل من الحجم العائلى اللى فى المطبخ و 15 كوب ( كل ذلك لإعداد طبق بيض وسندوتش جبنة )
طبعا يراعى ترك آثار سمنة على الأرض مع ترك التلاجة مفتوحة وقشر البيض فى الحوض
فى عيد ميلادها يزين لها تورتة عيد ميلادها بخمسين شمعة ولو سألته ليه خمسين رغم أن عندها 15 سنة بس ؟ يتحجج بضعف الإضاءة فى البيت وهو ينظر على النجفة اللى فيها 30 لمبة مع ابتسامة صفراء خفيفة
لو عملت ريجيم يجرى على السوبر ماركت ومحلات الحلويات ويملأ التلاجة شكولاتة وحلويات وجاتوهات 00 و يتجول فى البيت وهو مستمتع بأكل الجاتوه امامها
لا ينس رأيها فى طبيخها لو عاملة لحمة يقول لها حلوة أوى الفراخ دى 00ولو طبخة بامية 00 جميلة أوى الملوخية دى حطة عليها إيه ؟ ولو عاملة كيكة يقول لها أنا بحب أشرب شاى مع البسكويت الحلو دة !!
لو طلبت منه نشر الهدوم يقول لها حاضر مع ابتسامة حانية وبعد ما يخلص نشر الهدوم يدخل عليها ويقول لها أنا نازل أجيب الهدوم اللى وقعت منى فى الشارع ولو سألته هو إيه اللى وقع ؟ يذكر لها كل هدومها اللى كانت مغسولة مع فردة الشراب بتاعته علشان متبقاش مقصودة منه !
لو الزوجة قررت مسح الأرضيات فى البيت يحاول إنه يروح وييجى على المناطق المبلولة بحجة إنه محتاج يتصل ضرورى بواحد صاحبه ومرة عطشان ومرة تانية بيجيب الجرنال ومفيش مانع إنه يقول انه حاسس إن التليفون هيرن كمان شوية
لو كانت مشغولة فى نظافة البيت أو مع الأولاد وطلبت منه يغسل كوبايتين الشاى بتوع الصبح الموجودين فى الحوض يرجع لها كمان دقيقة من دخوله المطبخ وهو ماسك كوباية من الاتنين وهى مكسورة ويسألها فى براءة أرمى دى فين ؟
وهو قاعد يتفرج على التلفزيون وهى طالع عينها فى تنظيف البيت وبعد ما تخلص وتيجى يدوبك تقعد تستريح جنبه يبص لها ويقول لها حبيبتى معلش ممكن كوبية مية علشان ضهرى بيوجعنى !!
دى طبعاً بعض الأفكار اللى أكيد بتحصل .
بس طبعا ده هزار
محدش يبقى غلس ويعمل كده
الستات برضه طيبين [/align]
رد مع اقتباس
المشاركة الأصلية كتبت بواسطة عابر سبيل
هو رخم غلاسة
[/align]
مواقع النشر (المفضلة)