:+:: كامـيـرا موقع الجوف في رحـلـه ::+:
السلام عليكم ورحمة الله وبركاته
يا هلا ومرحبا يا [you] نورت الموضوع
شرايك يا [you] نطلع رحله سوا
ومعانا كاميرا موقع الجوف الغالي
بس قبل كل شي بحكي لكم وش صار معي
اليوم الصباح دخلت للموقع وحصلت تعب وجرح الزمان واشين واحد وحنان بس بالموقع
جلست اطالع واتصفح لين دقني الجوع فقلت يا ولد خلني اروح افطر ..
طلعت وركبت السياره وانا رايح للمطعم وقفت عند إشارة
لفت انتباهي شي على اليمين معلق (لوحة اعلانيه) عند الاشاره .. مكتوب عليهاااا
قلت يا عيني والله حركاات اللوحات ماليه الشوارع
المهم اني تعديت ووقفت عند البوفيه
وافطرت وشبعت .. الحمدلله عاد وش افطرت ماله داعي
المهم اني طلعت من المطعم وإلا الجو روعه جنان
قلت ياولد ماهو جو جلسه خلني اتمشى على هالصبح
طلعت على خط المزارع وإلا انا اشوف لكم مناظر خلابه
ولا سياحة ماليزيا
يالله
يا سلام
شي خيالي والجو كان ياخذ العقل
جلست اتمشى وانا فاتح هالشباك واتنفس من هالهواء النقي
ما دريت عن نفسي من الوناسه والروقان اللي انا فيه على هالصباح
إلا قدامي لوحة
مكتوب عليهاا
تتوقعون وين رحت يمين وإلا يسار
اكيد قلتوا يسار
بس انا رحت يمين قلت خلنا نشوف دومه واهلها
اول ما تعديت اللوحه وإلا تطيح عيني على الطبلون :(
لا حول الله البنزين مصفر !!
اشوا بس تعدين قدام شوي وانا اناظر على اليمين
يا عيني على هالمحطه وانا اوقف واعبي بنزين فل
واحسن ما بهالمحطه اني بعد ما عبيت بنزين
عطوني مناديل :D
المهم اني دخلت لدومه وفيه حاجه اول ما تدخلون دومه تشوفونهااا
عرفتوها هالعماره اللي صار لها سنين مو راضيه تخلص
اخيراً خلصها ودهنهاا :D
ولا وآجر المحلات وفيه محل للحين ما تأجر كان حديكم يبيه ...
المهم ان العالم نايمه ولا فيه احد والشوارع فاضيه
ما فيه غير عالم متجمعين عند البنك قبل ما يفتح
هذؤلا مدمنين الاسهم الله يشفيهم ولا يبلانا
كنت بصورهم بس والله انا انهبلت حديهم يلحقني او شي
فقلت يا ولد خذها من قاصرها وتوكل على الله
المهم اني رحت لــ
فقلت خلني اخذ لفه داخليه ونتعرف على مسجد عمر بن الخطاب "رضي الله عنه"
واكيد ان فيه بعضكم ما يدري وش فيه من داخل
هذي بوابة المسجد
وهذا درج المسجد اول ما تدخل
وهذا المصلى وترا إلا الان فيه ناس تصلي فيه
وهذا المنبر ..
ترا الدنيا ظلام داخل بس لجل تعرفون جوالي فيه فلاش :D
طلعت من المسجد وجيت ابي ادخل للبيوت اللي بجانب المسجد
واللي كانت اسواق على عهد الصحابه
وإلا احصل اثنين جايين " سياحه " ماهم من هالديره من عرعر :D
فيهم واحد دبدوووب صار المرشد السياحي "خبره"
المهم جينا ندخل لبيوت الاسواق سوا والمرشد السياحي قدامنا
دخلنا مع هالبوابه مع العلم انه مكتوب تحذير بجانب البوابة
لعدم الدخول خايفين يطيح علينا
المهم دخلنااا
هذي بوابة الممر داخل السوق
هذي اثار واحد كان يحفر يدور ذهب طلع له جرذي :D
هذا الممر داخل السوق
هذا نفق ..... !!
وش اللي نفق امزح هذا يا طول العمر بئر ورا السوق
هذا احد المحلات التجاريه على عهد الصحابه والظاهر انه كان مطعم :p
هذا سويق يدخل على بيوت بجانب السوق
وتطلع مع الجهه الثانيه
هذي المأذنه لما طلعت من ورا
لما طلعنا قلت يا ولد خلنا نروح للقلعه
جينا نروح للقلعه ما امدانا نوصل للدرج اللي يطلع فوق إلا واحنا تعبانين
عاد انا من الرشاقه ما تعبت وتعديتهم وانا طالع مع الدرج
طلعت مع الدرج بس مطول باقي كمان
واخيراً وصلت للقمه ودخلنا للقلعه
-------------------------
هذي صورة المسجد من فوق القلعه
والله شي
هذا بئر داخل القلعه
نزلت ودخل للحصن اللي على الجوانب اللي يجلس فيها الحراس للقلعه
نزلنا ورحنا للحصن اللي موجود قدااام بالصوره اللي من شوي
لقيناا باب صغير وداخل ظلام وفيه صوت ما ادري وشو
دخلنااا
طبعاً ظلام بس تعرفون جوالي فيه فلاش :D
عاد تدرون وش لقينااا
لقينا بئر والمويه تصب فيه وصوته راايق
المهم اننا طلعنا بعد كل هالتعب ورحناا للسيارااات
يوم جيب ابي امشي سلمت عليهم
وركبت سيارتي ومشيت
وهذا المرشد السياحي يلوح بيده الكريمه ويودع كاميرا موقع الجوف
وانا نازل ومشغل المسجل ومروق
وانا احصل سياره متعطله بس ما وقفت :p
كملت طريقي وإلا احصل صعيدي يأشر وانا اوقف واخذه معي
الرجال مريض ويبي للمستشفى
بس انه قال سلم لي اعضاء الموده كلهم وخاصة ابو راشد
وبالنهايه اتمنى انك استمتعتم بالرحله
تقبلوا خالص تحياتي
وداعاً إلا ان نلتقي في رحلات أخرى مع كاميرا موقع الجوف
رد مع اقتباس
[/align]
مواقع النشر (المفضلة)