هــــــــــذا أنــــــــا أ نـــــــا
هذا انا قلبٍ تكسر ما جنى غير الجروح العابثة
وأشياء من شعر وصور غير السنين اللي مضت
والذكريات المؤمنة
إن الصبر خيره كثير
ياقف على باب الفرج
وان الأمل نوره بصير
متمسك بخيط اللقا
والوقت صاير شقا شقا شقا
متمردة ايادي الحروف
تنساب فاوراقي نثر حر وشعر
منظوم من قبل الورق
حتى القلم صاير خاف الفراق مابين حبره والحنين
يمكن ونين؟
يمكن يخاف من الحقيقة لا دنت
والمفترق يفتح نهاياته طــُرق
يفتح بدايات الضياع
كم دمعة ٍ عيت تسيل
متشبثة بالمستحيل
إنك تجي وانك على خبري أصيل
الله ياخذ هالغياب
كاني تنثرت بلظاه
واستل من صدري حكي
ماله مدى
والصوت ضيعه الصدى
واشفيه ماهي عادتي اكتب كلامي وانفضح
ياعاذلي ارقص فرح
محسودك اصبح واحد ٍ
ماله سوى ظل وضياع
كن الضلوع
اتكسرت بين الأمل والانتظار
كم راح من عمري نهار ؟
والسالفة ذابت هدر
تستغفر الطيبة وجيه
وتسافر بليا عذر
والبال مليان أسئلة
متبللة دمع السكوت
من القهر عيت تموت
عيت تريح خافق ٍ
متعود يصد ويفوت
من كل ضيقة عابرة
تكسرت كل الوجيه وبعد المرايا ساحرة
وتو الحنين يجرني لاقصى الونين
إللي قدر يكشف عيوبي للعيون
إللي قرت وإللي بعدها ما قرت
الله يستر يالقلم كانك تبيها تعرية
تبغى الصحيح الحق لك ملزوم بصابع سجين
كسر قيوده وانتقم
من حزن عيا يستكين
سكين ياوقت الفراق تقطع بي الدرب الطويل
وتقطع أمالي غبن
أون أون وتجرني اللهفة غــُــنا
أو الغــُــنا طب القلوب والله مدري ؟
الأكيد إنه فنا
كل مانبت فيني جديد
ماسرع توارى وانصفق
بابه وخلاني هِنـــا
هــــــــــذا أنــــــــا أ نـــــــا
رد مع اقتباس
[/align]
مواقع النشر (المفضلة)