الموضوع: طار 26 موقع وأنا من ظمنهم ؟ أنظر ماهو السبب الغريب !!

السلام عليكم ورحمة الله وبركاته
يسعدلي مساءكم أيها ألأحبة ..،

بصراحه انا مدري ليه مالي حظ بالمنتديات !

أول منتدى فتحته .. قبل سنتين .. كان المستضيف جنني..
تخيلوا يتصل علي واحد من الأعضاء .. يقول المنتدى ليه صار صفحة بيضاء وفيه رقم جوال ؟؟!!


ادخل النت واشوف المستضيف حاط إندكس بيضاء وكاتب (( صاحب موقع الإحساس أرجوا الاتصال على جوالي وطبعا كاتب رقمه ))
سواها أكثر من مليون مره .. وبالآخر كرهت الموقع وكنسلته .. والمصيبة العظمى رافض يعطيني معلومات الدومين :(

أما مشكلتي الي مدري كيف جاية ..

قدر الله علي وفتحت منتدى جديد .. وبسمى مختلف عن الأول

وبعد أن أصبح عمر المنتدى أكثر من خمسة أشهر .. وصل عدد الأعضاء 4200 .. والتسجيل فيه باليوم أعداد لا تحصى ..
وبنفس الوقت .. كان فعال جداً جداً ..

وبالأيام الأخيرة .. المنتدى ما يفتح .. لما أجي أفتح المنتدى .. يقول ( لا يمكن عرض الصفحة ) !

مضى يوم والثاني وأسبوع وشهر !! وهو على الحال .. بـ لا يمكن عرض الصفحة ..

الجدير بالذكر .. أتصلت على المستضيف مليوون مره أرسلت رسائل بالجوال .. لكن دون جدوى ! لا رد ولا إجابة


وبعد أن أكتساني اليأس .. أعدة آخر محاولة بالإتصال وأخيرا رد علي ..

قلت له وينك يا رجل ..

المهم بعد الكلام .. إتضح بالأخير .. إن هاردسك السيرفر إحتـــــــــــــــــــرق !!!!!!!!!!!



قلت انت جاد ؟
قال مو بس أنت .. معاك 26 موقع نفس الحكاية !!
قلت وش الحل طيب .؟

قال : لا تخاف .. الدومين موجود .. لكن إذا بغيت تفتح المنتدى من جديد . تراه اتفرمت.

يعني لا عضو .. ولا موضوع ولا شي .. أبدأ من جديد !!

حتى فيه موقع بنفس الشركة .. فيه أكثر من 60 ألف عضو . وصار له مثل ما صار لي !!

وبالأخير يا أخــواني ..،

أنا أنشأت موضوعي هذا .. من باب الفضفضة والنصيحة..

يجب أن لا تنسون وضع نسخ إحتياطية على جهازك الخاص .. عشان لو أصبت بمكروة .. يكون عندك نسخة دون الرجوع إلى الشركة

وإن شاءالله ما تصادفون مثل ما صادفت انا ..

فمان الله

الله يعينك اخي , و انا احبذ ان تسحب باك اب على كمبيوترك كل فترة قصيرة , لضمان ضياع الداااتا , حتى لو تثق بصاحب السيرفر مابتعرف شو بيصير ... تحياتي

عزيزي هذا الكلام تقوله زمان

لكن في وقتنا الراهن تطورت وسائل الانترنت والاستضافات

ابحث عن شركه سمعتها قويه وعملائها كثير والاهم ان لهم سجل تجاري وشركه رسميه

حتى ان حدث شي تستطيع ان تطالب بحقك دون اي خوف بموجب العقد الموثوق بينكم

الله يعينك