ٍسيدى البستم

[امال]

السلام عليكم ورحمة الله وبركاته



البستم : جزء ميكانيكى فى محركات السيارة بدونه لا يوجد محرك

قرص مصمت متصل باسطوانة صغيرة مجوفة على شكل جرس تتصل بذراع فلاوذى يسمى عمود التوصيل بنهايته تجويف نصف دائرى يتصل بعمود الكرنك لايجاد حركة دوارة للمحرك ومن ثم نقلها الى عمود الحركة

البستم حركته مترددة مرة فوق ومرة تحت فى نفس الزمن ولنفس مقدار الحركة البستم موازى لاتجاه الحركة دائماً


لكن ايه دخلنا بالبستم فى القاعة العامة ما كنت اروح عند حمادو اكتبه هناك واخد جايزة موتوسيكل ولا حاجة ايه اللى وصلنى هنا وخلانى اكتب موضوعى هنا

رغم ان البستم دا جزء مميز جدا فى اى حركة ميكانيكية لكن عندنا بستم تانى له حركة انسانية بستم متردد دايماً بستم مش راسى على بر زى ما بيقولوا بستم عقله مش فى راسه ولا عارف خلاصه

كتير جدا فى المجتمعات ومش فى العربية بس بيعانوا من المشكلة دى التردد خوافين جدا مفيش ثقة بالنفس ودا سبب مشاكل كتيرة فى حياتهم والمشكلة انهم مش ناويين يتعرفو بدا وعشان كدا بيفضلوا مترددين دايماً بيعتمدوا على غيرهم ومش بيعتمدوا على نفسهم بيخافوا يتخذو قرار عشان ممكن يكون غلط يخافوا يغلطوا لا ينكسروا يخافوا ينكسروا بس ما يعرفوش انهم بيقوموا ماهو ربنا مش بيسيب حد


الثقة بالله مش موجودة وتكون موجودة ازاى وهو بيخاف من اى قرار ماهو لو واثق فى ربه هايسيبها للى خلقه والمقولة بتقول اعقلها وتوكل بس هم بيعقلوها ومش بيتوكلوا على الله

فى بيت شعر بيقول

اذا كنت ذا رأى فكن فيه مقدماً فان فساد الرأى عند تردده

بيت جميل جدا ومهم جدا

الثقة بالنفس رائعة جدا وبتخلى الشخص ياخد القرار الصح فى المكان الصح فى الوقت الصح وبطريقة صح كمان

فى دكتور ليا فى الكلية بيقولى مش شرط المهندس يكون حريف جدا فى الميكانيكا عشان يكون مهندس ميكانيكا بس ساعات ثقته هى اللى بتنجحه وياما ناس عباقرة ترددهم بيخليهم محلك سر

من الجميل جدا اننا نلاقى اطراف جميلة فى حياتنا بتحاول توجه جهودنا كمان فى حاجة صح لكن الاجمل ان يكون التوجيه دا برضه من انفسنا ويكون التعامل معاها ذكى وبطريق صحيحة وبدون تردد

وبعد كدا نقدر نقول اعقلها وتوكل يا

سيدى البستم

[اعتذار]

ههههههههههه
رااااااااائع تسلوبك البسيط يا امال فى طرح الموضوع
ومشكلتة الترد دى مشكلة ناس كتير
لكى منى اجمل تحيه على الطرح المميز