صحيح بعض الناس فيالوقت فاضين الواحد بيرقد وهم مزعجينه
صحيح بعض الناس فيالوقت فاضين الواحد بيرقد وهم مزعجينه
الاتصال يكـون لـه حـزّه وحيـن
الوضـع هــذا كلّـنـا فاهميـنـه
والبارحـه ليلـي يالاجـواد ليلـيـن
جوّالـي أزعجنـي بكثـرة رنيـنـه
المتصـل بالليـل والنـاس غافـيـن
بـلا سبـب تـرى العـرب لايمينـه
بعض العرب مزعج 00عليه الله يعين
مـاودّك ان رقمـك يطيـح بيدينـه
صحيح بعض الناس فى الوقت فاضين
الواحـد بيرقـد وهــم مزعجيـنـه
ما اقول لا مجنّن ولا اقول صاحيـن
اقـول عـدّاد العـقـل فاصليـنـه
النوم يبدأ عندهـم مـن فجـر ليـن
عصـر ودايـم ليلـهـم ساهريـنـه
الوضع هذا عندهـم صـار روتيـن
مهمـا تحـاول مـاهـم مغيّريـنـه
فـي حالهـم والله ماهـم بصيريـن
وكم فرض من فعل السهـر تاركينـه
رقـود اذان الظهـر ماهـم مصلّيـن
وفرض العصر عن وقتـه مأخرينـه
مخطين كيف اقول ماهـم بمخطيـن
خلقوا من اجـل الديـن ومضيّعينـه
مهما يطـول العمـر بالنـاس فانيـن
أهـم والْـزم ماعلـى العبـد ديـنـه
والمزعج اللي متصلبي علـى اثنيـن
بحكيلكـم وش عـنـده الله يهيـنـه
ليـش الله يهينـه ؟ تعرْفـون بعديـن
ماقلتهـا الاّ ياعـرب مـن غبيـنـه
جمـدت قبـل ارد فـوق اتصاليـن
وخفت ان هذا عنـده اخبـار شينـه
طبعاً مثل ما انتـم يالاجـواد داريـن
الشخـص قبـل يـرد ينظـر بعينـه
فى الشاشه ويقرى ترى المتصل ميـن
الـشـي هــذا كلّـكـم عارفيـنـه
طالعت انا فى الرقْـم مـرّه وثنتيـن
واللـي نعرْفـه رقـمـه مخزنيـنـه
ماهو رقم جـوّال 00فيـه احتماليـن
امّـا رقـم مـن بيـت ولاّ كبيـنـه
ردّيت قلت ارحـب هلابـك ملاييـن
كــلام كــل مكالـمـه قايليـنـه
قـال انـت يافـواز والله ونعمـيـن
قلت انت مـن؟ أدري نعـم كاسبينـه
ضحك وقال اسمـه وقـال العناويـن
واعطاني اسم الحـي واسـم المدينـه
شاعر لحد يقول منهـو ومـن ويـن
لكـن قولـوا ياعـسـى الله يعيـنـه
أنا ادري ان اللي كفـو فعلـه يبيـن
لكـن هـو مالـه فعـل خابريـنـه
والاخ سـوّى انّـه مـدرب مياديـن
وان العرب علـى الشعـر حاسدينـه
وان افضل الشعّار ماضـي وذلحيـن
تخرجوا مـن تحـت راحـة يدينـه
قال انت شاعـر ولقصيـدك محبّيـن
قلت الشعـر ياشيـخ وينـي ووينـه
تواضـعٍ منّـي وانـا داريٍ زيــن
شعـري لياقلتـه عجـب سامعيـنـه
الشطر فى ابياتـي يعـادل دواويـن
العـرف مـن جدّانـنـا وارثيـنـه
خرجت عن موضوع اخينـا ببيتيـن
برجع واقول اش صار بينـي وبينـه
قال انت غالي مـن رياجيـل غاليـن
وفى الشعر خذ منّي نصايـح ثمينـه
قلت اهرج وهرجك على الراس والعين
في بالي انّـه عنـده هـروج زينـه
قال اترك ألفاظ البدو هرجهـم شيـن
هرج البدو تـرى العـرب كارهينـه
قلت البـدو ياعنـك سقـم المعاديـن
وليا اهرجوا مـا قالـوا الاّ السمينـه
عوّد يقول اشفيـك سبعـه وعشريـن
عمرك وكنّك عود فى آخـر سنينـه
أكثر قصيدك فى النصايح وفى الديـن
اكتب غـزل تـرى الغـزل طالبينـه
قلت اسمـع أبقفـل واكلّمـك بعديـن
فرض الفجـر يالآدمـي حـل حينـه
وفي ذا الكلام اللي جرى بيننـا بيـن
وشرايكم يـا اهـل القلـوب الفطينـه
وياهل ترى ياقـاري القـاف ذلحيـن
عذرتنـي فـي قـولـة الله يهيـنـه
رد مع اقتباس
رد: صحيح بعض الناس فيالوقت فاضين الواحد بيرقد وهم مزعجينه
مواقع النشر (المفضلة)