يا الله طلبتك.. طلبة إنسان محتـاج

[شاكي]

يا الله طلبتك.. طلبة إنسان محتـاج
ياذا العطايا لي كثيـر(ن) عددهـا
ترحم قليب(ن) صابه الوقت برجاج
من زود همه كـل فرحـه فقدهـا
لي فكـر تايـه فـي لياليـه دوّاج
كنّه حزينـه ضـاع منهـا ولدهـا
ولي دمع نازف كنّه انهار وامواج
يصيب عينـي لاسكبتـه رمدهـا
وبي جرح غاير صابني بالتشنّـاج
لاجيت ابطلق قيد روحـي عقدهـا
لاصار وقتي كله هموم واحـراج
تكسر عيوني كل نظـره وحدهـا
يقول من هو دنيته صارت ازعـاج
تمضي حياته مالقـى لـه سندهـا
لاصار كفي مبتلي بألف مخـراج
ماعاد ينفع صبـر نفسـي جلدهـا
عدة سنين(ن) بين نزلـه ومعنـاج
وليّـام عيّـت لايجينـي سعدهـا
والناس صاروا بين جيّـه ومنفـاج
وانا حياتي غربة(ن) فـي بلدهـا
بيني وبينـي رحلـة الآه وسيـاج
من كل صوره تختلف عن بعدهـا
دنيـا دنيـه كنهـا حكـم حجّـاج
لابوه من هو في الخلايـق عبدهـا

[بحوور]

جميل جدا

شكرا لك وبارك الله فيك

[باسم وان]

والله يا اخي كلمات جميلة بارك الله فيك

تحيــــــــــ لك ـــــــــــــــاتي