أسف
بسم الله الرحمن الرحيم
السلام عليكم ورحمة الله وبركاته
[poem=font="Andalus,5,whit e,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
آسف انا في جيتي لـك تسرعـت=ظنيت الاقـي فيـك شـيٍ فقدتـه
كنت احسبك مجروح مثلي تولعـت=جربت فرقى شخص قلبـك وهبتـه
كنت احسبك من مر جرحك تجرعت=حبيت فيك احساس طفـلٍ لمحتـه
لو...قلت...اه بوسط روحي توجعت=ولو شفت دمعاتك شعوري سكبتـه
ولو تطلب اعيوني ابد ما تمنعـت=واعطيك قلبي لو بعـد مـا طلبتـه
وصلت بك..... اعلى مكان وتربعت=وفي قلب غيري ياالغضي ما وصلته
واصبر على صدك واشوفك تدلعـت=واعطيك ود ومـا اظنـك حسبتـه
اذهلتني بطباعك اللـي ...تطبعـت=حتى قصيدي فيك ابد مـا فهمتـه
لو كان غاياتك حروفي فانـا بعـت=منك الشعور اللي بنفسـي كتبتـه
خل القصايد تنفعـك يـوم ودعـت=وافرح بجرح الشاعر الي جرحتـه
وأرجوك من صدك تراني تشبعـت=خلك مع اللي عاجبـك او عجبتـه
يكفي قهر في جيتي لك تواضعـت=تركت غيرك لجـل عينـك وبعتـه
ياليتني عن حب مثلـك... ترفعـت=ياليت قلبـي قبـل اعرفـك دفنتـه
لكـن اب ابعـد دامنـي ماتولعـت=الله يرحـم حبنـا اللـي ذبحـتـه
انا شريت الود والحين انـا بعـت=وانا عطيتك قلبـي اللـي قهرتـه
في يوم جيتك اطلبـك ود واقنعـت=نفسي بانك شخص عادي عرفتـه
كمل حياتك مثل مـا انـا توقعـت=تبقى اسير الماضي الـي فرضتـه
ولا يحزنك اني جبـان وتراجعـت=حولك بدالي الف شخـصٍ عجبتـه
اما انا لا يمكن اخضـع ولا طعـت=يحرم على اعطيـك قلـبٍ خذلتـه
باريّحك من شوفتي يـوم قاطعـت=اسلوبك اللي بـة تجامـل كرهتـه
غلطان يا المقفـي انـا ماتتبعـت=غيري يتابع خطوتـي مـا تبعتـه
ما ينحني راسي لو انـي تقطعـت=وما هو بنا من لا رميتـة لقطتـه
وان كان غرك حكي عذالي وطعـت=الله يعلـم كيـف قلبـي سكنـتـه
اللي مـلا قلبـك علـي وتسمعـت=خله يعوض شخص مثلي خسرتـه
انـا بمـا فيـة الكفايـة تولعـت=واللي بقى من قلب فينـي حرقتـه
وان شفتني صدفة بعينـك تطلعـت=ذكرتني بـا نسـان غالـي فقدتـه
باول لقا سلمتة احساسي وضعـت=غلطت حياتي يـوم قلبـي سلبتـه
واستسمحك في البعد كاني تراجعت=ما عاد ابلقـى فيـك شـي نزفتـه
طبعك مثل غيرك وطبعي كما كنـت=احب شخص ولا تركته......تركته [/poem]
رد مع اقتباس
مواقع النشر (المفضلة)