سمعــته ينادي قلت يمكــن قـلبــه صفــالي
جيته وانــادموعي من الفرحه اداريـــها
هقيتـه بيضـمني وبيقـول ارجعـي انت حلالي
واثره يقول خذي صورتك ماعـاد ابيها
وقتـــها وقفت وقلـت هـو قــالها ولايتهيـــالي
ولا انــا عيوني عيـت تصــدق منــاديهـا
وخطيت خطوه وغمضت عيني واستعديت للتالي
ومديت له يدي وانا خايـفه وشهـو بيجــيها
ناظرت ف الصوره وبكيت وشفته يضحك قبالي
يقول سامحيني حبيبتي ماحققت لعينك رجاويها
مسحت دمعتي وقلت مسموح يابعد كل غالي
وضحكت من حرقتي لجل عيني اهديها
و حسيت بغصــة ألـم وشي غريب طرالي
و نار قايده تحـترق فيني وقلـب يطفـيهــا
ناظرت ف عيونه وشفت شماتة عين ماتبالي
و واحد يقفي ويترك صدى رجل مقفيها
وقفت حايره حـسيت اني بهالعالم لحالي
ومامعي غير صورتي الي تركها مخاويها
جمعت بقايا ضعـف قوتي وشديتها رحالي
وسلمـت للي ماتـخفى عليه علوم مخفيهــا
مشيت وكلي قهر وربي اعلم بحالي
وجاورت صورتي وقلت انا وانت نوفــيها
مرت ايام وشهور وكـلمته على بـــالي
ودمعتي مافارقت خدي من شي صار فيها
اناظر صورته وابكي واصرخ وانادي بعالي
اقــوله وينــك تـعبـت من صــورتي امنيــها
بكاها يعذبني والشــقا فــالهــا وفــالي
ودموعها غرقت صدري وانا دموعي تغطيها
لعنت يوم شوفته وكرهت دنيتي وحالي
وصار الموت هاجسي وكلمة دوم اطريها
واليوم ودعت الألم ونسيت مامضى وجرالي
وقفلت قــلبي على صــورتي لجل ادفيــها
والحـــين هـو الي بـنـفسه تـــعنى وجـــالي
يـقـول اسف سامحيني انا بالخطا مخطيها
قلتـله ابغـاك تسمحلي عـزتي راس مـالي
وشقيت صورته وقلت خذها ماعاد ابيها
مواقع النشر (المفضلة)